Habitat for Humanity
O se tasi o sui filifilia sa tofia ina ia galulue faatasi ma aiga e vaivai tupe maua, ma faatauanauina lea foi faalapotopotoga mo fesoasoani i le fausia o fale ma faaavanoaina mo aiga e pei ona ta’ua. E fitu foi tausaga sa galue ai ma fesoasoani i le va o tagata lautele ma le Habitat.
Auckland Region Pacific Island Safety Committee
O se sui auai mo tagata Pasefika uma ina ia sailiili ma vaavaai i ni auala e fesoasoani ai mo le faaitiitia o sauaga ma faaoogalima e mafua ai misa ma fevaevaeaiga i totonu o aiga ma tagata lautele.
Family Court Cultural Report Writer
O loo fesoasoani mo le tusiaina o lipoti ma faamaumauga e fesoasoani ai ma finauina mataupu i le va o le faamasinoga faaleaiga ma aiga ma tagata lautele.
O loo faaauau pea lea foi auaunaga e oo mai i le taimi nei.
O le tuufaatasiga o tausaga ma taimi sa galue ai e oo mai le aso i galuega fesoasoani mo tagata lautele ma aiga, ua atoa ai le 37 tausaga o galue pea ma faia lea galuega.
O se taimi umi, ma ua faamaonia ai le faateleina pea ma le faatamaoaigaina i metotia ma tomai faapitoa e faatino ai le galuega.
O se fiafiaga i lea tina le ofoina o lona soifua e auauna ai pea ma galue mo le manuia o soo se tasi ma tagata Pasefika aemaise lava tagata o lona atunuu, i soo se vaega e manaomia ai lana fesoasoani.
Ekalesia/Soifua Faaleagaga
Na soifua mai le tina ia Lupe mai totonu o le ekalesia Aso Fitu o le Toe Afio Mai ma o loo tautua ai pea seia oo mai lenei vaitau.
O Niu Sila nei sa taunuu i Grey Lynn ma amata galue ai loa i tiutefai i totonu lava o le ekalesia, ona sosoo ai lea ma Ponsonby, ma agai ai loa i Otara, lea o loo galue ai pea.
Ia manuia lava tiute ma galuega lelei o loo faataunuuina mo aiga ma tagata lautele, ma ia manuia foi le agai atu mo le palota mo le Super City.
