O loo oo lava foi le malosi o lea galuega i totonu o falemai tetele i Aukilani, Middlemore, Greenlane ma Northshore.
E le gata i falemai tetele, ae faapea foi isi falemai faaitumalo ma aai, aemaise ai o nisi o nofoaga mo tagata matutua.
O totonu o fale faamasino, matagaluega a leoleo ma le tele lava o isi matagaluega a le malo, o loo ofoina i ai ma tatala i ai le faitotoa o le auaunaga a le tina ia Lupe ma le aufaigaluega.
O isi auaunaga faaopoopo i lona soifua galue
Community Reference Committee
Sa avea Lupe o se ofisa mo fesootaiga o le va ma matagaluega a le malo, aemaise ai foi le matagluega faapitoa a tagata atumotu o le Pasefika. O le autu ma pogai o lea foi auaunaga, o le fia fesoasoani lava mo tagata lautele ma aiga i le tele o faafitauli eseese sa aafia ai.
Manukau Youth Court
Sa tofia e fai ma sui o le komiti i fesootaiga vavalalata ma le faamasinoga o talavou i Manukau. O le tofiga sa galue ai ina ia faatumauina pea ma faigofie fesootaiga ma aiga ma fanau e aafia i faafitauli ma le tulafono.
Counties Manukau Health Committee (MCC)
Sa fai ma sui o aiga ma tagata lautele e faaleo ma faaoo atu o latou manaoga ma lagona i le tulaga tau i le soifua maloloina mo pulega o falemai faaitumalo, ma falemai tumaoti.
Pacific Islands Advisory Committee (PIAC)
E fitu tausaga sa galue ai ma avea ma sui o lea foi faalapotopotoga e momolia faaiuga ma aiaiga e faaiugafonoina mo aiga ma tagata lautele. O se sui sooupu sa tu i le va o le faalapotopotoga ma tagata lautele.
Otara Health
O se tasi o sui autu sa faavaeina lea foi galuega tele ma lea nofoaga ma o loo iai pea e oo mai i le aso.
E lima tausaga sa faatino ai tiute mo le fesootai atu i tagata o le aai o Otara, ina ia faamalamalama ai le tele o mataupu tau i le soifua maloloina.
