Fesili – E ta‘i $12,000 i le masina lea e togitogi e le matou ekalesia i le mokesi o le matou falesa. Aisea na lē faaopoopo ai i le failaina o le GST ina ia maua se matou refund?
Tali – O tupe alu i le totogiina o le mokesi poo nonogatupe e lē aofia i lalo o le faamalu a le GST, e lē mafai foi la ona faaopoopo i tupe faaalu lea e mafai ona maua mai ai se refund.
Fesili – Ae ā tupe foai mo talilauga?
Tali – A foai le tino i tupe e fai ai le talilauga, e lē mafai ona tapa se GST. Ae a faatau se pusa pisupo, ona ave lea e fai ai le talilauga, e mafai ona tapa le GST. O le tulafono e tatau ona iai se lisiti mai le faleoloa ona mafai lea ona tapa le GST. O le faleoloa poo le tagata lea na totogi i ai le tupe e tatau foi ona lesitala i le GST. O le mafuaaga lea e lē mafai ai ona tapa le talilauga e totogi i tupe, auā e lē lesitala i le GST le faafeagaiga lea e foai i ai le talilauga.
Fesili – Ae ā tupe e fesoasoani i maliu o sui o le aulotu, ma tupe ia e faameaalofa mo aso fanau ma faaipoipoga?
Tali – Soo se foai tino i tupe, pe fai se meaalofa tino i tupe, e lē tatau ona tapaina se GST, ona e lē o lesitala i le GST tagata ia e foai i ai tupe, tusa lava pe saini mai ni a latou lisiti. Ae a faatau se teu fugalaau poo se ie palagi mo se maliu, pe faatau se seti ipu e fai meaalofa ai i le faaipoipoga, e mafai ona tapa le GST, pe a faaoga le lisiti mai le faleoloa lea na fai mai ai le faatau.
Fesili – Ua leai lava la se aogā na ala ai ona lesitala le matou aulotu i le GST, o lena ua manino mai o le tele o tupe alu e faagaoioi ai galuega a le ekalesia, e lē mafai ona faaaogā e tapa ai se refund.
Tali – Mo ekalesia, o le faatulagaina lenei o nisi o alaga tupe, ma tupe faaaogā e lavea i lalo o le siosiomaga a le GST:
