1968 – 1980: Minisita o Tupe, Tiute, Atina‘e, Fesootaiga
Hon G F D Betham
Hon Toleafoa Tofa Siaosi
Hon Faasootauloa Sam Saili
Hon Aumua Ioane
Hon Asi Eikegi
E toalima Minisita o Tupe sa galulue ma tautua ai le afioga ia Pepe, i lalo o a latou taitaiga a o avea ma faauluuluga o ofisa faapalemene. E pei ona ia ta‘ua i le vaega lona lua i le taimi o a‘oa‘oga, o le tasi lea vaega tele o lona soifua a‘oa‘oina sa faamanuiaina ai, mai taitai sa latou galulue faatasi.
O le afioga ia Hon G F D Betham, sa toe filifilia e avea ma uluai Komesina o le malo o Samoa i Niu Sila. O lea lava vaitaimi e pei ona molimauina e Pepe, sa tele lava fetuunaiga ma suiga sa faia e lē gata i totonu o le malo lava ia ma ona ofisa, ae faapea foi ma le va i fafo ma ona galuega tauave.
Faaauauina o isi vaega o le auaunaga ma le soifua tautua i galuega a le afioga ia Pepe
1979 – 1980: Marketing Officer/Secretary, Samoan-American Bee Company Limited – Honey Exporters
1980 – 1984: Office Manager/Manager/Management Team, Samoa Tropical Products Limited – Coconut Cream Canning Factory, Apia
O le tofia o le afioga ia Pepe ma lona alii e avea ma faatonu sili ma pulea le kamupani gaosi peepee a le atunuu i lena vaitaimi, sa faavae i agavaa o i laua uma.
O se faalavelave na mafua i se feeseeseaiga i le va o le pulega sa iai muamua ma le aufaigaluega sa tulai ma maliu ai lē sa avea ma pule o le kamupani.
O le avanoa lea sa see ane ai loa Figota Alai‘asa William Moore, ma Pepe Frances Isabella Moore, mo le faaauauina o galuega ma le puleaina o le kamupani.
E telē se galuega sa feagai ma i laua mo le tau faaolaolaina o le kamupani, atoa ai ma le toe tau faaleleia o faafitauli na mafua ai le vevesi na tulai i lena vaitaimi. O le taimi foi lea sa ta‘ua e faapea, ua amata ai ona tau lē amanaia ma lē talia e Niu Sila le oloa poo le peepee a Samoa.
O se tasi o faafitauli i totonu o le kamupani lava latou ia, ona ua toatele le aufaigaluega, tele taimi faigaluega ae lē tusa ai ma galuega faatino. Sa lē fesoasoani lea tulaga i tupe maua, ma le agai i luma o le kamupani, faatasi ai ma le lē lelei o le gaosiina o le oloa.
