1962 – 1965: Senior Shorthand Typist and Hansard Writer, Legislative Department, Apia, Western Samoa.
O le uluai taimi foi lea na ulufale ai ma amata galue i totonu o le Ofisa o le Fono i Samoa lava.
1966 – 1968: Secretary to UN Economist, Development Secretary, Apia
Sa tofia e avea ma Failautusi, ma o le tausaga ma le vaitaimi tonu lea faato‘ā amata ai le Ofisa o Atina‘e a le atunuu. O le tasi lea o vaitaimi tāua ma le faamanatuina i lona soifua galue, ona o le tāua amataina o lea foi auaunaga a le malo o Samoa.
1968 – 1978: Private Secretary to Minister of Finance, Customs, Economic Affairs and Telecommunications and Secretary to the Liquor Control Board
Na avea ma toe tofia ma Failautusi tuma‘oti mo le alii Minisita o Tupe, o le Ofisa o Tiute, Atina‘e ma Mataupu lautele, faapea Fesootaiga. Sa tulai i le foe i lena vaitau. E lē gata i lea, ae sa filifilia foi e failautusi i le komiti faafoe sa vaaia le ava malosi i le atunuu. (Hon G F D Betham)
1978 – 1980: Owner/Manageress, Public Typing and Secretarial Services, Private Translator/Typist for Land & Titles Court Petitions
O le vaitaimi tonu foi lea e pei ona sa ia ta‘ua, sa tele ai lava fesuiaiga i totonu o le malo. O suiga sa aafia ai le toe vaevaeina ma le toe fetuunai o ofisa a matagaluega e vaaia ma faapitoa i ai, aemaise foi o suiga i matata ma faauluuluga e aofia ai ma alii Minisita.
Sa oo lava foi i le alii Palemia le taitai o le atunuu, sa suia foi i le vaitaimi tonu lava lea. Sa tulai mai ai le afioga i le Tama a Aiga, le Afioga Tamasese Lealofi e fai ma Palemia, e sui ia Mataafa Fiame Faumina sa iai muamua.
O nisi o fesuiaiga sa toe faia i lea lava taimi, e aofia ai suiga o alii Minisita mo Tupe a le atunuu. O le afioga ia G F D Betham sa tulai i le tofi, peitai sa toe filifilia i ai le afioga ia Tofa Siaosi. E lei mamao ae toe filifilia le afioga ia Sam Saili i le Minisita o Tupe lava ia.
Mulimuli ane toe tofia le afioga ia Aumua Ioane, ae na toe suia ma toe filifilia i ai le afioga ia Asi Eikegi.
E toalima i latou e pei ona ta‘ua i luga sa faia i ai fesuiaiga mo le tofi Minisita o Tupe ma isi matata i totonu o le sefulu tausaga.
O nisi o suiga sa faia i lea lava taimi puupuu, e aofia ai le vaevaeina ma le tuueseeseina o matafaioi ma matata tauave i Matagaluega ma alii Minisita e tauaveina.
