O le 1982 sa tuufaatasi ai ma Taai ma le susuga ia Samu ma Reupena ma faatino ai le gafa o Peepee. O se tasi foi o ata sa matuā fiafia i ai le toatele o tagata.
O le tausaga foi lea na amata ai le tasi o fatuga tautaua ma le logologoa, ae sa atili ona tautaua i lena vaitaimi, ona o le taimi tonu lena sa vaeluaina ai le malo o Samoa.
O le malo o Tupua Tupuola Efi, ma le malo o Vaai Kolone.
O ata sa fatuina i lena vaitaimi e iai ata o piiga, o le lauga a Patimaio, tagi a le pusi, ma tagi a le taifau.
O le tausaga e 1995 na faato‘ā fetaui ai loa ma le susuga ia Sumeo ma amata ai loa le la ‘au sei oo mai lava i le tausaga nei.
O le 1998 na faataunuuina ai sa latou malaga taamilo i Aukilani Niu Sila, faatasi ai ma Sumeo ma le susuga i le alii faasalalau toe faimeamalie, Pat Mamaia. O ata sa faaalia i lena vaitaimi o le Aai o Agaga, ma le tala ia Amelia matua ma Amelia laitiiti.
O le tausaga e 2000 na faato‘ā fetaui ai ma Pili ma Leuma, a o le tausaga nei 2010, ua toe feiloai ai ma le susuga ia Tupai Faasalafa.
O loo iai nei i se taamilosaga i Niu Sila, ma ua tuufaatasia ai Petelo, Tupai ma Neemia. Ua faamoemoe a mae‘a ni faafiafiaga i le masina nei i Niu Sila, ona toe malaga loa lea i le atunuu o loo nopiai ma faamautu ai i Amerika.
Malo lava Taavaomalii Petelo Asomua mo le faatinoina o le taleni.
