Sa faamanatuina le 21 tausaga o le alii o Tamiano Kilipati, i le afiafi o le Aso Toonai, aso 14 o Mati 2015.
O si ona tina o Taumaoe a o lona tamā o Kilipati Kilipati e mai Satapuala. O le a‘oa‘o fesoasoani o le Ekalesia EFKS ia Silofau Autagavaia sa tapenaina se upu faalaeiau mo le alii o Tamiano i le laasia ai o le 21 o ona tausaga.
O le tofa ia Apulu Iliolemalae Asivao Kilipati sa fai ma fofoga o le aso e faafeiloai le auvalaaulia, uo ma aiga e pei ona sa faatasia ai i lea aso tāua aemaise o aiga mai Satapuala, Fasitoouta ma Faleasiu.
Na matuai fau ma soloi le taumafa ae sili ona fiafia tagata uma ua maua foi taimi e feiloai ai ma aiga ua leva ona valavala.
O alofaaga ma faamanuiaga e auina atu ia Apulu Iliolemalae & Orepa ma le fanau; Tunumafono Oti & Faafofola ma le fanau; Lea Schuster & fanau; Suitupe, Asoiva, Lai, Sina & Whynona, Siatini Etevise & Patrick; Euta & Reena ma le fanau; Faamoetauloa & Luisa ma le fanau; faapea uncle le susuga i le faafeagaiga ia Alo Fautua & faletua ma lefanau mai Niu Sila.
Manuia tele le atoaga o lou 21 Tamiano!
