O le ata na pue ina ua mae’a le taaloga i le Aso Toonai, taamilosaga a le Pacifica Samoa United Rugby Union, lea sa faia i le Norana Park i Mangere.
O le iuga o le taaloga, ua toe tumau ai pea le talita i le Togoa’asa i le taaloga na lu’i ai le talita e Apolima.
O ‘ai o le taaloga, Togoa’asa – 60 Apolima – 3. E uma le ‘afa muamua o loo sili ‘ai o Moataa i le 24 – 3.
Sa auai atu nisi o le pulega a le Manu Samoa mo le maimoaina o le taaloga, o Mapu Tafai (Peresitene Asosi Laufali a Samoa & ma le sui o le Komiti Faafoe a le Samoa Rugby Football Union, faapea Tauloa Faaifo Lui (Peresitene o le Apia Rugby Union & ma le sui o le Komiti Faafoe a le Samoa Rugby Football Union) faapea Vaa Vitale o le Manu Samoa Under 20 Coach.Sa auai atu foi tama tuai a le Manu Samoa pei o Muliagatele Brian Lima, Matamua Filipo Saena faapea Muagututi’a Sila Vaifale.
E momoli ai le faafetai faapitoa i le lagolago mai a le matou faatamā, le afioga Paitomaleifi Lavea ma le faletua, faapea matou sponsors, le Tamasa Trust, Le Samoa News ma le Langi Sports.
