Ua faaiuina le laugatogi o polokalame e lua a le leitio o le Penina o Asuisui mo lenei foi tausaga e 2014, e pei ona faataunuu ai i le po o le Aso Tofi talu ai. O le susuga ia Fauea Terry Fauea o loo tauaveina mai le Paneta o le Ola ma le polokalame a tamaiti e feagai ma le faletua ia Susana Meleisea.
Na muai sii le viiga o le Atua ona ua tini lau o le faamoemoe lea sa siitia ai le taulaga molia e le susuga ia Ps Manuula Nai, o le faafeagaiga o le Ekalesia AOG a Kingston. O le susuga ia Seiuli Pesa Ilimaleota sa faatautaia le po.
Sa vaaia le fiafia o le au tausinio ina ua tauaaoina a latou tusipasi ma meaalofa sa foaina mai e kamupani e pei o le Enchiro Laei & Containers, Galuemalemana Naea & Apu Timoteo, Jet Screen printing ia Diane ma Mika Nansen. ABPS Pty Ltd Lealaifola Lui ma Leight Savelino, Pr Faamalologa &Tamara Fuesaina, Chris Tuia o le Digicel, Pepe ma Delilah John o le JD Financials, Peace Keepers, Lariopassion8, Matafeo & Lagi Samaila, Apia 2 Tupai Joe & Maria Lealaitafea, JP Credit Line, Uncle Sam’s Take Away Poulava & Lorna Matautia, ma le tele o pisinisi sa lagolago mai.
E lē uma le agaga fia faafetai i le tele o kamupani o lagolago pea e ala i mea fai ma le faatupeina o lenei leitio faatauvaa.
Sa fai ma sui o le auvalaalulia le tofa ia Samoata Peleti e faafetaia le matagofie ae faaiuina i le tatalo e le susuga ia Rev Milo Faaleava. Na iu manuia ma fiafia tagata uma i le tele o le taumafa ae maualuga pea le viiga o le Atua pe ana lē seanoa Lana Afio, e lē mafai ona tau lau o le faamoemoe.
