Laulau a le Aufaipese: Taitai Pese- Sonny Taito, Failautusi- Pepe Tiumalu, Teutupe-
Fenunuiava Tunumafono Oti.
O le faamanatuina o le 6 tausaga o le Ekalesia LMS Toefuataiina i mauga Ueligitone, i le Aso Sa 30 Setema, 2012, na tatalaina ai ma le togiga a le latou aufaipese i lea lava aso. O le susuga i le taitai toeaina Reverend Sooaemalelagi Litaea na taitaia le sauniga.
Na faatumulia le sauniga i le mamalu o le auvalaaulia na latou molimauina le matagofie o le alofa o le Atua i totonu foi o lea Ekalesia. O viiga o le Atua na lagiina lava e le aufaipese a lea Ekalesia faapea foi ma le aufaipese a le LMS Toefuataiina a Glen Eden sa auai.
Sa faaiuina le mafutaga i le aiga o le aoauli na saunia lava e le susuga i le faafeagaiga Reverend Selau Fausia ma le faletua ia Aliitasi Fausia faapea le mamalu o le Ekalesia malosi a mauga Ueligitone.
Sa avea se tasi o tamalii ma sui o le auvalaaulia e momolia se latou faafetai i le Ekalesia mo lo latou gapatia ma le latou faaaloaloga i lea aso.
O le faafeagaiga o le ekalesia o le susuga Selau Fausia ma lona faletua o Aliitasi Fausia. O le failautusi o Vaetoeifaga Setu Faalelei ma le teutupe o Loleta Lasoo Logo.
O le taitai pese o Sonny Taito ma le latou failautusi o Pele Tiumalu, faapea ma le teutupe a le aufaipese o Fenunuiava Tunumafono Oti.
