Sa faatumulia le nofoaga o faafiafiaga i le Acacia Ridge Hotel i le po o le Aso Toonai 4/7/2015 i le faamae‘aina ai o le 6 vaiaso sa luitauina tamaitai mo le taumafai lea e lusi nisi vaega o latou tino.
O le faalua ai lea ona faatino lenei faamoemoe e ta‘i 6 vaiaso ma saili poo ai ua sili kilo ua pa‘ū. Na amata mai lenei polokalame i se vaega toalaiti ae o le taimi nei ua ova atu ma le 100 tamaitai tauva. Tele faailoga sa faamanuiaina ai le toatele.
O le tamaitai na ia maua le faailoga muamua $1000, na oo atu i le 14 i lalo sa maua faailoga tauola, tele mealofa sa tufatufaina i lea po e pei o mitiafu sa saunia e le Enchiro Printing.
O Diane Nansen (director) ma Ese Timoteo (manager) o laua foi o loo faauluulu i ai lenei polokalame. O loo faaigoaina lenei polokalame o le G.I.G. poo le “Get It Gurrl” Weight-loss Challenge… e tailua vaiaso ma fai fuaga pauga ma fua le lapoa a o faagasolo pea le faamalositino i vaiaso toatasi, ae ta‘i 6 vaiaso ma saili sē ua sili ona kilo ua lusi.
O le faamoemoega lava o lenei polokalame ina ia maua le soifua maloloina. E toalua ni trainers faapitoa o loo vaaia tamaitai e fia maua le soifua maloloina. E talia soo se tasi e fia auai. O le taimi nei e toatele tina matutua o loo auai mai.
E mafai ona faafesootai mai le tamaitai o Diane i le 0421 668 733 pe a e fia auai, e lē o iai se agaga e maitau le taimi alu ae ona o le fia fesoasoani i le soifua maloloina o tamaitai o le atunuu ma nisi tamaitai Pasefika o loo auai auā o le paleni o le soifua maloloina, o le faaitiitia foi lena ona afea i gasegase o lenei soifuaga.
O i latou nei ua lusi pauna ma na faaalia lo latou agaga fiafia i le polokalame ona o le fesoasoani mo i latou e lē gata i le toleniga ae o le faapaleniina o taumafataga. E moni lava le upu e leai se mea e maua ma se filemu.
Iuga o le fuagapauna
1st Lupe 13.348%; 2nd Mau 13.347%; 3rd Tamalii 13.340%; 4th Joanna 13.33%; 5th Ofa 12.84%; 6th Nina 12.61%; 7th Loreta 10.52%; 8th Reenz 10.19%; 9th Tui 9.90%; 10th Lottie 9.45%; 11th Maria 9.04%; 12th Bryony 8.87%; 13th Tuai 8.65%; 14th Foga 8.43%; 15th Vaelua 7.92%.
