Sa faatumulia le Norana Park i Magele i le Aso Toonai na tea nei, i le toe taaloga o le talita o le 2011 a le Pacifica Samoa United Rugby Union, lea na lui ai e le afioaga o Safotu le talita mai le Togoa‘asa, ma ua toe manumalo ai le Togoa‘asa i le ‘au malosi a Safotu i ‘ai e 15 i le 10.
E ta le ‘afa o 12 Moataa i le 10 a Safotu. Ua moe ai nei le talita i le Togoa‘asa mai Moataa mo lenei tausaga.
E momoli faapitoa ai le faafetai i le matou faatamā, le afioga ia Paitomaleifi Lavea ma le faletua i lo laua lagolago mai, faapea a matou sponsors, Le Samoa News, Tamasa Trust, Langi Sports ma le Pacific Primary Finance.
Ua sauni atu nei le Samoa United i taaloga o Semi-Finals i lenei vaiaso, o le a taaalo ai le Togoa‘asa Moataa ma Apolima, ae taaalo Marist ma Nofoalii e sue ai ‘au e lua o le a taaalo i le Finals mo le suega siamupini lenei tausaga.
