Ua mae‘a le fonotaga tele a le Ekalesia Faapotopotoga a le Atua (AOG), Matagaluega a Niu Sila mo le 2012. O lea fonotaga sa faataunuuina i le faaiuga o le vaiaso na tea nei, a o feagai ai ma aso malolo o le Eseta o lenei tausaga.
O le fonotaga foi lenei, sa filifilia ai ma tulaga tofi e tauavea ma taitaia le galuega mo le isi lua tausaga o muamua, e tusa ai ma aiaiga ma faaiuga a le Ekalesia e tailua tausaga ma faia ona suiga.
Ae o le taua o tofiga o lenei tausaga, ona sa toe filifilia ai se isi Taitai fou, talu ona faamavae le toeaina ia Pulepule Samani Pulepule, o le sa tu i matagiolo, talu ona faavae mai le galuega i Niu Sila, pe tusa lea ma le silia i le 40 tausaga talu ai. O lona uiga o le Taitai na filifilia e sui tulaga ia Pulepule Samani, o le faatoa atulua ai lea o le nofoaiga i lea tofiga taua mai le tele o tausaga ua mavae.
O tausaga uma lava i fonotaga faapea, e masani lava ona le toe faia se filfiliga mo le tofiga Taitai, ona e autasi lava e toe tuu pea le faaaloalo i le toeaina ia Samani, ma faaauau ai pea lana nofoaiga, seia oo ina malolo litaea i le 2011.
O le fonotaga sa usuia lava i lona nofoaga tutotonu autu i Magele, le nofoaga o loo faaigoaina foi i le toeaina Pulepule Samani, poo le Pulepule Samani Centre i Robertson Road. O suiga fou e pei ona tulai mai i lenei tausaga, atoa ai ma le isi lua tausaga o muamua.
Taitai Aoao: Pastor Motu Matia, Faafeagaiga Ekalesia Magele, Aukilani.
Sui Taitai: Pastor Tafunai Muaiava, Faafeagaiga Ekalesia Mt Roskill, Aukilani.
Falilautusi: Pastor Mao Lamositele, Faafeagaiga Ekalesia New Lynn, Aukilani.
Tetupe: Pastor Taula Young, Faafeagaiga Ekalesia Hemilitone, Hamilton.
O le susuga ia Pastor Motu Matia, sa Sui Taitai ia Pulepule Samani, a o lei faamavae i le tausaga talu ai, peitai ua seei nei i le nofoa mo le Taitai.
O le toeaina ia Pastor Tafunai Muaiava, ua seei nei i le nofoa o le Sui Taitai, sa tauavea e le toeaina ia Motu, ua soloai ane i le tofiga Taitai Aoao.
O Tafunai sa avea ma Toeaina mo Aukilani.
O le susuga ia Pastor Mao Lamositele o se sui fou i le tofiga o le Failautusi, ua ia tauavea le tulaga sa ia Pastor Penani Siulepa mai le tele foi o tausaga ma se vaitaimi umi sa iai.
O le Teutupe, o loo faatumauina pea ina ua toe filifilia i ai le susuga ia Pastor Taula Young, ua leva foi ona ia tauavea lea tofiga taua mai le tele o tausaga ua mavae.
O le laulau e pei ona tofia nei, o nisi lava foi sa auauna sa filifilia ma tautua i tofiga i lalo o le taitaiga a le toeaina ia Samani Pulepule, a o tulai mai i le tofiga Taitai Aoao i fatia ua alu.
Isi Tofiga sa Filifilia
Taitai CA Autalavou: Pastor Muavae Mika, Faafeagaiga North Shore Aukilani.
Sui Taitai CA Autalavou: Pastor Ape Savea, Faafeagaiga Ueligitone.
Failautusi Teutupe CA Autalavou: Pastor Saua Ah Ching.
Taitai Aoga Aso Sa: Pastor Luaiva Fagalilo, Faafeagaiga Wainuiomata Ueligitone.
Sui Taitai Aoga Aso Sa: Pastor Lala Tavesi, Faafeagaiga TeAtatu Aukilani.
Failautusi Tetupe Aoga Aso Sa: Pastor Famanu Lalotoa Peniata, Faafeagaiga Kelston Aukilani.
Tofiga Toeaina
Toeaina mo Aukilani: Pastor Asi Saia, Faafeagaiga Otahuhu.
Toeaina mo Aukilani: Pastor Seleni Taoai, Faafeagaiga Otara.
Tofiga Toeaina i Isi itu ma aai o Niu Sila
Pastor Tapelu, Pastor Leota Levi, Pastor Tofilau Tavita.
O nisi foi o tofiga i auauna e pei ona taua i luga, ua faamaonia lo latou soifua tautua mai tausaga ua mavae i tofiga sa filifilia ai, ma ua faapea foi ona toe tofia ma toe filifilia i ai.
A o nisi e fou lo latou tulai mai mo tofiga uma mo le isi lua tausaga, e toe faia ai le isi faiga filifiliga tele, i le fonotaga i taimi ma le faaiuga o le vaiaso o le Eseta e pei ona faatulagaina e le Komiti.