Ua sauni le au Netipolo a tamaitai a le tatou atunuu mo taaloga o le Taupulega o le a faagasolo nei, e ui lava i se tulaga i lipoti lē manuia o tapenaga a Initia, ae ua agai atu nei atunuu e tauva o loo iai ma Samoa.
A o le taaloga Netipolo lava ia, ua faailoa ai le maualuga o le faamoemoe ma le faatuatuaga o le tamaitai Faiaoga o Linda Vagana i lana au mo se pine mo Samoa.
Fai mai Vagana o taaloga a Samoa ma au malolosi e lua ia na fai talu ai nei o Aferika ma Niu Sila, ua tele ai se luitau mo lana au ma faaopoopo i ai ma le lelei o ana players ua iai nei, lea e tatau ai ia Samoa ona finau mo se ai.
E to‘a 12 tamaitai lea ua ave i ai le faamoemoega o le Faiaoga e tauaveina le tagavai o Samoa i le taaloga Netipolo, ma o nisi o i latou e faato‘ā tofo lea i le level o taaloga maualuluga faapenei.
O nisi o tamaitai toalua sa taaalo foi i le World Youth Cup 2009 mo Samoa lea ua i le au, o Shiring Chang ma Sanonu Katalina Robertson, faatasi ai ma le Kapeteni, Francis Solia faapea Grette Nuralli ma Monique Vaai o nisi sa taaalo muamua i taaloga faitaulia.
O Samoa o loo numera 9 i le faasologa o au a le lalolagi, ae o lea o le a Pool faatasi ma Ausetalia, Trinidad, Jamaica, Initia ma Malawi, ma e lē faigofie uma nei au mo le taumafai a le au a le atunuu.
O le au Netipolo atoa lenei a Samoa e aofia ai ma Faiaoga:
Coach: Linda Vagana
Manager: Rosemarie Esera
Physio: Tracy Mark
Trainer: David Forbes
Athletes
Shiring Chang Barbara Faasavalu
Monica Fuimaono Sepuita Langi
Grette Nuralli Alyce Solaese
Francis Solia Italia Tipeli
Monique Vaai LeeAnn Watson
Brooke Williams Katalina Robertson
