Junior Fa

Ua manumalo le alii Tonga o Junior Fa i le tu’i oti i le ta’amilosaga muamua i lana fusu’aga ma le alii Farani o Newfel Ouatah i Columbus, Ohio. Ua atoa ai le 17 o ana fusu’aga talu ona liliu e fusu faapolofesa.

E fa’a-fa lelei ona pa’u le alii Farani i le ta’amilosaga muamua, ona taofia ai lea e le laufali i le 2min 51sekona o le fusu’aga. Na matua leai ma se mea na mafai e Ouatah. E lei foliga o se tagata na alu atu e faipele au e leai ma sana tu’i na sao. A’o Fa mai lava i le amataga na vaaia le malosi o lana osofai, i so’a ma tu’i ile tino ma foliga o le alii Farani.

O le ‘afa o le taamilosaga muamua na pa’u muamua ai Ouatah i le taumatau o Fa. Na faitau le sefulu e le laufali ae na toe tulai mai le alii Farani ae na toe feiloai ma tu’i saputu a Fa. E lei umi ae toe palasi O le fa’a tolu na pa’u na taofia ai loa e le laufali le fusu’aga. 

O le manumalo ua maua ai e Fa le fusi o le WBO International Belt ua lua ai ana fusi ile fusi o le WBO Oriental o loo ia umia nei. O le fusi lea sa ia Dillian Whyte. 

O le fusu’aga muamua lenei a Fa i totonu o USA ua avea o se fusu’aga autu o le po. O le 17 ai lea fusu’aga a Fa, 17 foi ma manumalo. O le’a se’e ai foi i luga le tulaga  o Fa ile faasologa o tama fusu a le WBO. A’o loma le fusu’aga sa tulai mai o ia i le tulaga #10  a le WBO. O le fusi lea ua maua e Fa na ‘u’u e Dillian Whyte ae ua fa’aavanoaina e le WBO ina ua see i luga le tulaga ua iai le taumafaiga a Whyte, ma fa’atonu ai loa e le WBO ana tagata fusu e fetaui mo le Fusi lea. 

Ua avea le manumalo ma tulaga ua atili ai ona lu’i tau e le vaega a Fa ia Lupesoliai Joseph Parker e faatino le la fusu’aga. Peitai, e le’o se tulaga o amanaiaina tele e le Duco Events ma Parker le manumalo a Fa. Aua o Ouatah o se tagata faigofie. Na sau o ia i le fusu’aga ma manumalo e 16, tutusa lea ma manumalo a Junior Fa, ae o na manumalo sa maua i fusuaga ma tagata e le lelei ni a latou fusu.

I le fa’atusaga o manumalo a Parker ma Fa, e tai tutusa le aofaiga o manumalo a tama ia e to’alua. Na malo foi Parker ile tu’ioti i le taamilosaga muamua i lana paga 17, o Daniel Martz. O le faaiuga faigofie mulimuli foi lea a Parker. Ona faasolo ai loa lea paga faigata na feagai ma La’auli. O le fusu’aga 18 a Parker o Jason Bergman, lea na fusu ma Parker i Apia. Atonu o le la’asaga foi lea o le’a tuliloa e Junior Fa ma lana vaega.