E ui lava i le vevesi o le lotoifale i mataupu i le va o le Iuni Lakapi a Samoa ma tama taaalo o le Manu Samoa 15, ae e lei galo ai ona toe tapena le ‘au taitoafitu a Samoa e malaga atu e finau ai i Dubai i taaloga o le vae lona lua o lea taamilosaga ua iloga ona lauiloa ai Samoa i le Lalolagi.
I le toe tapena atu ai o le tele o ‘au o loo tausinio ai i lea taamilosaga o loo ua vaaia ai i le tele o fesuiaiga i nisi o tama taaalo ua lē o toe filifilia mo vae lona lua ma le tolu ae e lei oo mai i Niu Sila i le vae lona fā ia Fepuari i le tausaga fou.
Ma e oo lava foi i le filifilia o le fitu a Samoa o loo atagia mai ai le silasila toto‘a o le Faiaogaulu i le Vae lona lua ma le Vae lona tolu i alii taaalo e agavaa mo vae ia e lua, ona e foliga mai e tai sosoo lava vaiaso o ia taaloga.
Se vaaiga lautele lea faatusitala i sauniuniga a le tele o ‘Au o loo sauni atu i Dubai ma Aferika i Saute a o lumanai ai le agai mai i Niu Sila i le tausaga fou mo Ueligitone, e faamaonia le mau a le tusitala i le ‘Au filifilia lenei a Samoa faatasi ai ma suiga o loo ua mautinoa nei i nisi o ‘Au e pei o Egelani, Uelese, faapea foi Niu Sila.
O nisi la nei ua filifilia mo le 7’s a Samoa:
Manu Samoa 7’s
Forwards: Falemiga Selesele, Lio Lolo, Tofatu Solia, Afa Aiono, Fale Sooialo
Backs: Tom Iosefo, Lolo Lui, Reupena Levasa, Fautua Otto, Siaosi Asofolau, Tila Meafou, Fomai Ah Ki, Tim Nanai Williams.
Reserves: Alefosio Rapini, Patrick Faapale, Tulolo Tulolo.
Ina ua mae‘a le vae muamua o le taamilosaga lenei i Ausetalia, ma o se vaaiga la lenei i le valu pito i luga o le taamilosaga ma ‘ai o loo iai.
1 Fijis 22
2 Samoa 19
3 England 17
4 South Africa 15
5 New Zealand 13
6 Argentina 12
7 Wales 10
8 Australia 10
Se vaaiga i Pools ma ‘Au o loo iai i le Vae o le taamilosaga i Dubai 5th, 6th Dec 2014.
Pool A Pool B
Fiji Samoa
Argentina New Zealand
France Scotland
Brazil Japan
Pool C Pool D
England South Africa
Australia Wales
USA Portugal
Kenya Canada.
Tatou tapuaia i le faaiuga o lenei vaiaso faagasologa o le vae lona lua o lenei taamilosaga i Dubai a o finau ai le Manu Samoa.
