(KFC Fight for Life)
O le uluai Aso Toonai o le masina faaiu o lenei tausaga, poo le afiafi o le Aso Toonai nei, lea ua fuafuaina ai ni taaloga o faipelega poo fusuaga e faia lea i Claudelands Arena i Hamilton, e amata i le 8pm i le afiafi.
O le paga autu o lenei faamoemoe o le a fusu ai le alii o Joseph Parker o loo ia umia le fusi WBA PABA, faapea foi le WBO Oriental Heavyweight Champion.
O lana paga i lea afiafi o le alii fusu lauiloa i le lalolagi ma o loo numera 16 poo le WBO World #15 o le lalolagi e suafa ia Irineu Beato Junior, o lenei alii faapea e fai si maualuga e 6’3” le maualuga ua 15 fusuaga, 13 KO’s mai fusuaga e 15 ua mae‘a.
E talitonu o se fusuaga talafeagai lelei mo laua uma i le tulaga o loo tausinio atu ai i le tumutumuga o faipelega. E aofia ai i fusuaga i lea lava afiafi, ua faatulagaina ai foi le fusuaga i le va o Jeff Horn le numera muamua i Ausetalia i le paga Welterweight ma le numera tasi i Brazil le alii ia Robson Assis i le paga lava lea i le Welterweight.
O isi fusuaga i lea lava po:
1 Loni Uhila fetaui ma “Brown Buttabean” Dave Letele
2 Carlos Spencer ma Monty Bethan
3 Ben Tameifuna ma Willie Mason
4 Millie Elder-Holmes ma Frankie Adams
O ni faipelega e tatau ona aua ne‘i e misia, auā e mautinoa le matuā faafiafiaina ai i lea afiafi. O loo tele pepa ulufale mo nei fusuaga ma faamatalaga pe a e saili ane i le upega tafailagi www.claudelands.co.nz ua tuufaatasia e le Duco Events le faamoemoe.
