O Aperila 2014 sa faatalosagaina ai e le Taitaipese ma le laulau, tainane le aiga pese a le Ekalesia Katoliko i Lalovaea se piano poo le laau pese auā viiga o le Atua.
O le Aso Lulu, 22 Oketopa 204, na taunuu ai i Samoa le foai ma le faiga taulaga a le Mafutaga a Lalovaea o loo aumau i Aukilani i Niu Sila. Na faapaiaina lenei meaalofa i le Aso Sa, 26 Oketopa e le Afioga Tamā Matagaluega, Tamaitai o le Mauga i Lalovaea, Afioga Patele Mikaele Mataafā, ma faaaogā ai loa i le taulaga paia o le misasa i lea lava taeao. O le okeni lapoa mo le malumalu, o le keyboard faatasi ai ma le amplifier mo a‘ogapese.
O le afioga i le Tootooalii Tofilau Sefo Amoa o ia lea o le Peresetene ma le Tina matua ia Loimata Lafaele na fai ma sui o le Mafutaga i Aukilani e momoli aloaia atu lenei meaalofa.
Na mae‘a le taulaga paia o le misasa ona alo foi lea o le Afioga ia Patele ma Afioga i Tiakono ma le paia o le Ekalesia i se toonai aemaise se faiga meaalofa e taui atu ai le maau ma le agalelei.
