Leotina Petelo – Photo: Pacific Games 2019 Facebook page

E na’o le 17 tausaga o Leotina Petelo ae e fitu Pine Auro ua manumalo ai i siisiiga uamea mamafa. 

E tolu pine auro mo taaloga o le Pasefika ma le ta’ilua na ia maua i tauvaga a le Commonwealth ma le Oceania, o ia taaloga na faatino faatasi ma taaloga o le Pasefika. 

O se tulaga maoa’e lea mo le tamaitai mai Ululoloa, Saleilua ma Saleaula. Ae e lei leva foi ona siisii o ia, na’o le lua tausaga talu ona taalo i le taaloga. O lona taimi muamua foi lenei ua manumalo ai i se pine auro ua faagaeetia ai lona tagata i faamanuiaga ua ia maua. 

O isi faamanuiaga maoa’e mo Leotina o le maua ai lea o ana pine auro i taaloga i totonu o Samoa a’o maimoa lona aiga ma lona nuu. Ana faapea o se taaloga e fai i fafo lea e maua ai ana pine auro semanu e lē vāai ona mātua ma aiga i ona faamanuiaga. 

O le aofai o le mamafa o le sii a le tamaitai e 199kg, matuā sili mamao lea i le tu lua e na’o le 164kg o Igo Noi o Papua New Guinea. O le tu tolu na sii le 162kg o Ariana Uepa o Nauru.

Pine Auro a Leotina Pacific Games 

Women 

Pacific Games 

81kg Snatch – 89kg

81kg Clean & Jerk – 110kg

81kg Overall – 199kg