“Faatali le filifiliga o se kapeteni”
E toafitu tama o le au lakapi taitoafitu a le atunuu ua filifilia i le au tele a le Manu Samoa ua sauniuni mo nisi o taaloga tetele faavaomalo o lenei tausaga, a o lumanai ai le Ipu o le Lalolagi o le a talimalo ai Niu Sila i le tausaga fou.
O le toafitu ua lautogia i le au lakapi tele a le atunuu e aofia ai Ofisa Traviranus, Alafoti Faosiliva, Uale Ma‘i, Fautua Otto, Reupena Levasa, Mikaele Pesamino ma Lolo Lui.
O le Aso Lulu, 2 o Iuni 2010 na faia ai taaloga poo trials e saili ai se ‘au a le Manu Samoa, lea na faalauiloa ai lava ma le ‘au i le afiafi o le Aso Lulu lava na te‘a nei.
E toatele nisi o tama lakapi a le atunuu o loo taaalo ia latou Konekarate i Peretania ua filifilia, e ui e lei auai i latou i trials.
Na faaalia e le faiaoga le afioga Fuimaono Titimaea Tafua, e iai tulafono tau inisiua mo ia tama taaalo e lē mafai ai ona malaga mai i trials.
O le taimi nei e lei filifilia se kapeteni ona o loo faatali sei potopoto uma ma feiloai tama o le ‘au e le gata ia i latou o loo i Samoa a o tama o loo taaalo i konekarate i atunuu i fafo.
O le taamilosaga o le Ipu a le Pasefika le Pacific Nations Cup o le a taaalo muamua ai le ‘au ua filifilia. O le taamilosaga lea o loo iai i totonu Fiti, Tonga, Iapani ma Samoa.
O se tasi lea o taamilosaga tāua tele mo tapenaga a ‘au ia e fā mo le Ipu o le lalolagi i le tausaga fou 2011.
O le ‘au ua filifilia: Prop Tighthead – Census Johnston ma Anthony Perenise. Prop Loose – Sakaria Taulafo ma James Afoa. Hooker – Mahonri Schwalger ma Andrew Williams. Locks – Filipo Levi, Kane Thompsen, Iosefa Tekori, Pelu-Ian Taele. Loose FWD No 6 – Ofisa Traviranus, ma Alafoti Faosiliva. Loose FWD No 7 – Falemiga Selesele ma Manaia Salave‘a. No 8 – Richard Muagututi‘a ma George Stowers. Halfbacks – Aukusitino Jnr ma Uale Ma‘i. 1st Five – Jamie Helleur ma Johsua Keil. O 2nd Five ua filifilia i ai Iafeta Laau, Fautua Otto, ma Uarotafou Setu. Centers – George Pisi, Reupena Levasa, ma Gavin Williams. Wings – Mikaele Pesamino ma David Lemi. Fullback – Paul Williams ma Lolo Lui.
Faaleoleo poo Reserves: Pene Laulima, Loleni Tafunai, Faatalatalasemataeemo Fagasoaia, Faatonu Fili, Michael Tavae, Nissan Aitui, Levi Asi Faamatala, ma James Lakepa.
Faiaoga – Fuimaono Titimaea Tafua, Faiaoga Lagolago – Masoe Fepuleai Selefuti Patu ma Paepaetele Stan Toomalatai. Taitai Malaga – Tuala Mathew Vaea, Taitai Malaga Lagolago – Ryan Schuster. Team Trainer – David Edgar, Physio – Matthew Taylor, ma le fomai o Leituala Dr Ben Matalavea.
