(otootoga o talafou)
E lua vaiaso ua tepena ai le Itu Agai i le fesiligia o fuafuaga o le tala autū o le tupe lea ua mae‘a ona faataatia i le Palemene, pe a toe tauaofia le fono aoao faitulafono i le aso 18 o le masina nei.
O le itu i le siitia o nisi o auaunaga a matagaluega ma faalapotopotoga e valu a le Malo lea o le a maua ai le lima miliona ma ona tupu e fesoasoani i le faatupeina o le tala o le tupe. O le a faatoa manino poo ā tonu totogi o auaunaga ae poo ā foi matagaluega ma faalapotopotoga e valu a le Malo lea e faasino tonu i ai lea siitaga.
E 841 miliona tupe ua fuafuaina e faaalu i galuega a le Malo ma le atunuu i le isi tausaga faaletupe o sosoo ai nei, lea e amata i le masina fou. O le vavevaeina o lea aofaiga o loo faatulaga mai ai e 760 miliona tolu selau ivasefulu tolu afe tupe maua masani, ae o tupe faameaalofa mai fafo e 222 miliona selau ma le tolu afe, ona maua ai lea o le aofaiga e 841 miliona ma ona tupu o seleni ua fuafua e faaalu i le tala autū o le tupe.
E 39 miliona 494 afe tupe faasili.
