O tiute ma faiva o le galuega a le Atua e filifilia ai se tagata, o ni tofi e filifilia faatasi e le Agaga Paia.
O le afioga ia Patele Epati Tamati, o le tamā faaleagaga o le Puleaga a Kuiniselani. O le Aso Sa, 27 o Fepuari, sa faapaiaina ai tofi o lenei tausaga.
Matagaluega Katoliko a South: Peresitene – Ili Taualai Faamatuainu; Sui Peresitene – Vaeto‘ifaga Faamata; Failautusi – Tolu Pisa Iulio; Teutupe – Fiapa‘ipa‘i Falaniko.
O nisi o tofi pei o le Autalavou Matagaluega: Taitai – Jerome Togia; Sui Taitai – Raymond Kolio; Failautusi – Sausoli Sefo; Teutupe – Kisa Sign.
Aoga Aso Sa: Taitai – Tamalise Kolio; Sui Taitai – Suria Taualai; Failautusi – Faleupolu Milford; Teutupe – Motupuaa Ropati.
Matagaluega Katoliko a North: Peresitene – Tupuola Tifaimoana Nimo; Sui Peresitene – Gasiata Tovi‘o Lemana; Failautusi – Sipini Hunt; Teutupe – Mele Tanuvasa.
O le tāua o lenei aso faapitoa mo le faapaiaina o tofi o le Puleaga Katoliko, ona sa faamanatuina ai ma le sefulu tausaga talu ona amataina mai le Sulufaga a Sagato Mikaele i le pitonuu o Deception Bay.
O le aso 23 o Fepuari i le 2001 na faatuina ai, ma sa faavaeina mai i le amataga e oo mai i le taimi nei e le afioga ia Patele Epati Ma‘e‘e Tamati o le lupe faalele mai Ma‘auga ma Nuuausala.
E 22 matafale sa amataina ai le ekalesia.
O le tupu ma le ola o le galuega na a‘e ai se tofa ma se faautautaga i le afioga ia Patele ma le Matagaluega, lea na see atu ai nisi o matafale i le tausaga e 2009 ma fofoaina ai se ekalesia malosi i Caboolture.
O le susuga lava i le peresitene o le Matagaluega ia Tupuola Tifaimoana Nimo sa ia fofogaina le talaaga o le galuega.
Sa tauaofia ai le Puleaga atoa i se taumafataga tele ma faatofa atu ai ia Patele Mauga Penitito, Patele Spa Silva, Tiakono Ioane Levi sa faapea foi ona fai ma malo faaaloalogia ma fai sao i le faapaiaina o tofi o lenei tausaga.
