O se mitamitaga i mātua ma aiga o Amy Leadbitter Meleisea Fano, ona ua tau lau o lona faamoemoe, ua faaiuina ma le manuia lona taumafai ma ua ia taulimaina le faailoga o le Master of Audiology.
Sa a’oa’oina i le Iunivesete a le (UQ) University of Queensland.
O se vao filifili o fitā ma faigata pe a fua atu i le tele o tausaga o tauivi ma a’oa’oga ae ua feagai foi ma tiute faatina ona o nai fanau, peitai e maualuga lava le viiga o le Atua i mea uma tatou te faia.
O Amy o se tamaitai Ausetalia (Tamworth), ua faaipoipo atu ia Miles Maila Meleisea o se alo faasino ia Fuāmatu Toaiva Meleisea ma le faletua ia Susana, mai alalafaga o Matautu ma Poutasi Falealili faapea Safune ma Fatausi mai le motu tele i Salafai.
Alofaaga ma faamanuiaga e lē mavae mai i ou mātua ma aiga, faapea Fuāmatu Toaiva ma Susana Meleisea & nofoaalo (in laws), Grandmother ia Iliafi Va’ele ma le nofoaalo aemaise alofaaga mai ou aiga uma lava i soo se itu o lenei kelope ae faasilisili alofaaga mai ia Miles Maila Meleisea ma le fanau.
Congratulations Amy!. Glory be to God for He’s the only reason why another major milestone in your life has been reached. Nothing is impossible with God. Your huge achievement has made us all proud and we are very impressed with your accomplishment.
Again congratulations and best wishes from your family, our family, and friends especially from your parents in law Fuāmatu Toaiva & Susana Meleisea, sisters & brothers-in-law & family and your beloved husband Miles Maila and your children.
