E ao pea ona sii le mua i le Tamā o i le lagi ona o nei tausaga e tele ua Ia foai i lou soifua Tina. O oe o se tina sili ona lelei e lē galo au galuega o loo olaola pea i totonu o le aiga. E ui ina feagai ma gasegase i nisi taimi peitai o le Aao laveai o le Atua o loo ia faafoisia ai lou malosi.
E lē galo oe ia Manuu Iliafi e oo mai lava i le taimi o loo faailoa lo matou alolofa i le tausiga o oe o loo tatou mafuta pea. Ua na o oe se toe ulutaia o loo tulivaeina ma lagolagoina le Aiga Samoa i le taimi nei peitai e lē o mapu lau taulogologo ma le faufautua.
Faamanuia tele le Tamā o i le lagi ia te oe Manuu Iliafi Va‘ele, manuia lou 81 tausaga. Alofaaga e lē mavae mai lau fanau uma ma aiga i Samoa, Niu Sila ae faasilisili ai lau fanau i Brisbane Ausetalia faapea lau Aulotu, le Aiga Samoa i Logan City.
Molimoli atu foi alofaaga o le leitio a le Penina o Asuisui mo oe le tina Manuu Iliafi Va‘ele.
