Faamalo le taupati, malo le fai o le faiva Vae! O lea ua a‘e ma le malo, ua toe faamanuiaina lou taumafai i lenei tausaga.
E faafetaia ai pea le alofa o le Atua, auā ua tau lau o le faamoemoe sa e moemiti i ai, ua faamanuiaina ai oe i le faailoga o le Post Graduate Diploma in Education i le Iunivesite o Aukilani. Faamalo le taumafai ma le faaeaea aiga. O le fiafiaga sili lea i ou mātua faaleagaga, susuga i le faafeagaiga ia Rev Alosina Vavae ma le faletua o Otaota Vavae, o lou Nana Ailini Taumateina, lou tuafafine o Fofoga Sila, lou uso o Melani Sila, o lou uncle o Ieru Taumateina ma ou aiga uma i Samoa ma Niu Sila nei.
Aemaise ai ou mātua o Lupematasila Limasene Sila ma Gase Sila.
