Na soifua a‘e le tina matua ia Asomua Seumanu Filo Fetoa‘i i lona alalafaga o Salelologa i le motu tele i Salafai i le aso 8 o Fepuari i le 1936.
Na potopoto le nofoaalo e faia se fiafia e faafetaia ai le Atua ona o nei tausaga e tele ua Ia foai i si o latou tina ua atoa ai le 76 tausaga o lona soifua.
E ui ina lē atoa le faitau ona o le tamā o le aiga ma nisi o le nofoaalo ua toesea i le maliu ma le oti faapea nisi i Samoa, peitai na maualuga pea le agaga o le faafetai ma le faamanu i lea aso.
O alofaaga e lē mafai ona mavae mo oe le tina mai ou aiga uma i Samoa, Niu Sila ma Ausetalia ae faasilisili mai lau fanau: Tamala Seumanu Folau & Siulepa & fanau, Luamanu Fiaese & fanau, Ane ma Fiti & fanau, Lise ma Tusa Pelenato & fanau, Faaiuga ma Brian Vilitama & fanau, Apineru ma Lisa & fanau, Siolo ma Salogo Tanielu & fanau, Charlie ma Easter & fanau faapea si au fanau o Courtney Luaei ma Peni o loo tou mafuta pea i aso uma.
Alofa atu foi si ou uso o Suki ma le aiga i Sini. Alofaaga foi e auina atu ia Fiu & Rosa, Teera, Vee, Llayton, Tony Fetoai & aiga, faapea le Pulega ale leitio Penina o Asuisui i Brisbane.
Manuia lou aso soifua Tina!
