O le viiga ma le faafetai i le Atua i lana tausiga alofa mo oe le atalii Valentine Joseph Tauamiti ina ua aulia fiafia mai le atoaga o le 21 tausaga o lou olaga i le aso 14 Fepuari (St Valentines Day). E afua ona fai se faamanatu ina ne‘i galo le tāua ma le uiga o le alofa laveai o le Atua i nei tausaga e tele ua foai.
E faamanuia atu ai aemaise o alofaaga mo le faamanatuina o lou 21 tausaga, ia mamae ia te oe le faaaloalo, ava ma mata‘u i le Atua, ia faaosofia e le agaga o le Atua lou loto e tausinio ia pale i le pale e lē mamae. Ia pouliuli lou tino i le fili ae ia malamalama ou mata e iloa ai le lelei ma le leaga.
Usitai ma alofa i lou tina faapea ou aiga uma, aemaise lau ekalesia pele ma tupulaga talavou, avea pea oe ma talavou finau e saili malo ma ola magafagafa, alofagia e le Atua leoleoina ou ala uma aemaise lou lumanai.
Alofaaga mai ou aiga uma: Lemusuitau, Numia & fanau, Faalavaau, Perive & fanau, Fiti, Lemafa & aiga (Auck) Suavele, Tamaga & fanau, Ta‘a & Lavea Aseta, Aunty Moa Ottoway, Aunty Ita Bashford, Wena & Josh, Elijah Tauamiti-Liaina (Aust), lau ekalesia pele AOG, cousins ma nieces ae faasilisili ai lou tina Na‘oupu Tauamiti, uso ma tuafāfine Sydney, Zion, Pamela ma Anastasia o Kalaiesetete.
