Faamanatuina galuega lelei a Tina

O nisi nei o tina Samoa na galulue malolosi e faatino faafiafiaga o le faaiuga o galuega o le tausaga.
Na latou taumafai malosi i le aoaoina o siva faaleaganuu, e pei o sāsā, mauluulu ma taualuga, e faapea foi ma se haka:
O teine Samoa nei ua o mai
E faafiafia ao e silasila mai
Sit back relax ma e ataata mai
I le felanulanua‘i o ata o la‘u Sky.
O le latou togiga sa saunia lava e le komiti na tofia, le lanu ma le fualaau, ona faatau lava lea ma su‘i le togiga a le tina ia.
Na iai foi ni tina fou na faaopoopo mai i lenei tausaga i lenei mafutaga ona o galuega faapenei e fiafia e auai.
Ia faamanuia atu le Kirisimasi ma le Tausaga Fou ia i latou uma na lagolagoina lenei faamoemoe o Tina Pasefika mai le Ekalesia PIPC i Porirua.