O se aso matagofie ma le lagi lelei sa fuafua e faamanatuina ai le 50 tausaga o le aso soifua o le afioga ia Aiono Apuauro Alagaelua.
Sa faataunuuina lea sauniga tāua i le malumalu o le Uarota a Belbird Park, ma molimauina ai e le toatele o isi Uarota faapea aiga ma uo.
Fasitoouta & Solosolo
O le Susuga ia Bishop Tupu Aiono sa fai ma fofoga o le Atua e faafoi le viiga i le Tamā o i le lagi ona o tausaga ua ia foai mo le tamā. O lē sa fai ma fofoga o le aso o le susuga ia Nolini So‘e.
O le tofa ia Sila Tone Lemusu na fai ma fofoga o aiga na lua auā faaaloaloga ma se matū palapala auā foi le aumautofi ma le auvalaaulia.
Ia manuia tele le atoaga o lou 50 tausaga Aiono Apuauro Alagaelua.
Alofa le Tamā o i le lagi ma saga foai ma faaopoopo pea nisi tausaga se tele auā tiute ma faiva o valaauina ai oe, e lē gata i le aiga, nuu ae faasili le galuega a le Tamā o i lagi.
Alofaaga mai ia Sila Tone ma Toli Lemusu & Aiga, Faumuina Toloa & Faimavaaiga Uelese & fanau, faapea le Uarota a Springfield.
O au uo uma ma aiga sa mafuta e momoli atu alofaaga mo oe ae faasilisili alofaaga mai lou faletua ia Mary Alagaelua ma le fanau ma le aiga atoa (Eva Salelesi) faapea ou aiga uma i Solosolo ma Fasitoouta o aumau i Ausetalia, Niu Sila ma Samoa.
