Sa tele tala faaleagaga ma faagaioiga sa fai sao ai tupulaga i totonu o Ekalesia e pei ona faataunuuina i le Ekalesia Metotisi i nisi o falesa.
O le Aso Sa 10 o Fepuari sa faamanatuina ai le aso o tupulaga talavou i Kuiniselani ua lē gata la i le Faasinoti Metotisi, ae o le Ekalesia EFKS foi. Sa faia lava a latou sauniga masani ae sa taitaia e talavou.
Sa maua se taimi e molimauina ai le Ekalesia a Inala lea o loo tausia e le susuga i le tausi matagaluega ia Rev Laauli ma le faletua ia Nasareta Leiataua.
O le Matagaluega EFKS sa fai eseese sauniga e pei ona faataunuuina i Pulega e tolu. Ia alofagia e le Atua ia saga faatupulaia pea le ola aoaoina, ia taulu ma taulu upu timai ma ia faatumauina ai le nofolelei o tupulaga Samoa uma, ma ia faamamao ma aafiaga o tutupu ai vevesi i nisi tupulaga o isi atunuu.
Sa iai nisi o ekalesia sa faamanatuina lenei aso faapitoa mo tupulaga talavou peitai sa lei mafai ona auai atu i ai le tatou sui.
