Sam Choo Koon

O le vaiaso talu ai mai le aso 17 o Ianuari i le aso Sa 26 na gasolo atu ai le afe o tagata Ausetalia mo le vaiaso atoa o le Tamworth Country Music Festival lea na avea ai Mr Cowboy Sam Choo Koon ma tagata pese Samoa muamua ua valaaulia e faafiafia ai.
O le fasefuluvalu (48) ai lenei o tausaga talu na faavae lenei koneseti numera tasi a Ausetalia lea e faafiafia uma ai tagata pepese kaupoe (country music) e fituselau lea ua aofia ai ma le Samoa muamua.O Tamworth e tulaga sefulu i le lalolagi o koneseti tetele.
Saunoa le pulega a Mr Cowboy afioga Tagaloa John Tapu o se laasaga fou lea ua ausia e Sam a o tapena atu mo Nashville i Tennesse e tuliloa lana miti o le pese ai i Amerika. I Tamworth i le vaiaso atoa e 700 tagata pepese sa faafiafia i nofoaga e 2,800. I totonu o lenei sefulu aso sa taamilo ai foi ma Mr Cowboy ma le faaili a le Western Samoans e faafiafia ai i luma o papalagi. O pese Samoa ma pese fatuga a Billy Ray Cyrus ma nisi sa usuina uma e Sam Choo Koon a o pati ma sioa papalagi mo le taimi muamua i se tama pese mai Samoa. Na vaaia foi le fiafia tele o le aumaimoa i nei aso e sefulu i pese a le Penina o Tiafau, Falealili, ma le Fulu Ulo i se laasaga ua ausia e le kaupoe samoa a o tapena atu mo Amerika e faalauiloa atili ai lana taleni na fofoa mai Vaitoloa