O le kalapu a le Aute Samoa

O le kalena taalo a le au malosi o le Aute Samoa i tausaga taitasi, e amata le latou kalena o le tausaga i le latou laugatogi ona sosoo ai lea ma le amataina o taaloga o le tausaga i le ipu a le faatama o le au le susuga i le faafeagaiga ia Rev Iosefa Rimoni. O le laugatogi lea, e to laulau ai sui taitasi o le au ua faamanuiaina i taaloga taitasi sa feagai ma tama taaalo i le tausaga ua tuanai.

O le au a le Aute Samoa ua tele tausaga talu ona faavae mai, ma o le au foi lea o loo toatele ai susuga i faafeagaiga mai ekalesia eseese o loo taaalo ai, e aofia ai le Metotisi, Assembly of God, EFKS ma isi lava ekalesia. Saunoa se tasi o susuga o faafeagaiga o loo auai i totonu o le au e faapea, o ia e lei leva ona ofi atu i totonu o le au, ae i lona loto fiafia ina ua ulufale atu i le Aute Samoa e ese foi le manaia o lea mafutaga mo ia, e fiu e ata i tala a faifeau aemaise o tama o loo militino faatasi ai i totonu o lea kalapu. 

E mafai ona faafesoaia le aufaigaluega i le itu faaleagaga faapea foi le itu i le tino, aemaise ai o le nofo fealaofani ai lea o le tino o Keriso mai tovine eseese ua valaauina ai i latou. Ma o se faasiliga malosi foi lea mo ia ma lana auaunaga i le Atua aua o loo tapena ai vaega uma i le tino agaga ma le mafaufau mo le galuea a le Atua.

I le taimi o le tufatufuaina o faailoga na saunoa ai le susuga i le Peresetene o le au le aoao ia Tavai Meni e faapea, e le o faailoga e taua ao le mafutaga mafanafana e sili lea mo le aufaigaluega a le Atua ma le lautele o le au a le Aute Samoa. O le afiafi o le aso Faraile na faataunuuina ai lea laugalotgi i le kalapu ta polo i Mount Roskill, ma sa auai sui o le kalapu faapea o latou aiga aemaise nisi o kamupani o loo latou lagolagoina le au malosi o le Aute Samoa e pei o le Seki Works le faletua ia Maria Malaki ma le NS Motors le susuga ia Sasa Esekielu.

O le tausaga ua mavae na auai atu ai sui o le Aute Samoa i le taamilosaga sa faatinoina i Samoa, ma e e tolu aso sa faatinoina ai lea taamailosaga. E uma aso e lua o loo iai pea le Aute Samoa i luga i le sailiga o le ipu autu, ae ina ua oo atu i le aso lona tolu ua le faamanuiaina i le tulaga muamua ae ua see mai i le tulaga lua. Ma sa manaia lava le solosolo lelei o le Aute i lea taamilosaga.

Laugatogi

IPU FAATAMA (REV IOSEFA RIMONI) 

• Pastor Matafala Lesa

• Togia Sale

PRESIDENTS CUP 

• Rev Iosefa Rimoni 

• Sefeni Tapunuu

CAPTAINS CUP 

• Sofeni Tapunuu 

• Sikaipa 

• Mark

TAUEU MEMORIAL CUP

• Sikaipa

• Esera

• Sofeni

MY SAMOA CUP

• Iakopo

• Sofeni

REV IOSEFATU CUP

• Pastor Tino Tioa

• Tuna

STABLEFORD

• Tuna 

• Togia 

• Esera

BEST NET

• Pastor Matafala Lesa

• Rev Iosefa 

• Sofeni

BEST GROSS

• Misikopa (0-9)

• Tuna 

• Rev Iosefa (10 – 22)

• Niko

EASTER CUP

• Sofeni

• Rev Fuatai

• Pastor Tino

ANZAC DAY

• Rev Fuatai

• Misikopa

• Sofeni

MOTHERS DAY CUP (Sponsored by NS Motors)

• Pastor John

• Pastor Tino 

• Sofeni

SAMOA INDEPENDENCE (Sponsored by Seki Works)

• Pastor John

• Sofeni

• Misikopa

QUEENS BIRTHDAY (Sponsored by Seki Works)

• Rev Iosefa 

• Rev Iosefatu

• Talo

LABOUR DAY

• Pastor John

• Rev Iosefa

• Sikaipa

BEST BALL

• Sofeni & Tavai

BLUE JACKET

• Sofeni

• Tuna 

• Mark

SIFI /CHIEF

• Rev Iosefa 

• Sikaipa

• Pastor John

SHIELD

• Blue Team

O le aso Toonai ua mavae ua toe amata aloaia ai le taamilosaga a le Aute Samoa e pei ona masani ai i tausaga taitasi.