[et_pb_section fb_built=”1″ _builder_version=”4.4.2″][et_pb_row _builder_version=”4.4.2″][et_pb_column _builder_version=”4.4.2″ type=”4_4″][et_pb_text _builder_version=”4.4.2″ hover_enabled=”0″]
Taitosaua Edward Winterstein, sa faauluulu i ai le pulega o le falepuipui ae lei tulai mai le osofaiga a pagota na sosola
Tusia: Ame Sene – Samoa
O loo manino lelei le saunoaga a le Minisita o Falepuipui, Tialavea Hunt, o le galuega o le vaaiga o le falepuipui o le matafaioi tonu lea e pa’u i le aufaigaluega, ae le o ia. O le fesili na tuusa’o lea i le Minisita, pe lē o le lape poo le faatamala o ia ma lana vaaiga o le Falepuipui ua mafua ai faaletonu o loo alilai mai. Aemaise ai o le taimi muamua lenei ua taumafai uma ai pagota e sosola ese ma le toese.
Peitai na faaalia e le minisita e ao ona malamalama lelei le atunuu o le sosolaga muamua a pagota, na mafua ona ua tatala e leoleo o le falepuipui le faitotoa, lea na mafua ai le solaaga muamua, o le sosolaga lona lua, lea e 36 pagota na sosola,ai, ona o le taimi na faatino ai le faitauga o pagota, e faatino le faitauga poo le tauvalaauga ua amata ona pogisa. Na saunoa manino le Minisita, o se gaioiga sa lē tatau ona tupu, le fai o le tauvalaauga a pagota a ua pogisa.
Minisita o Falepuipui, Tialavea Tionisio Hunt
Peitai na ia saunoa foi i le fausiaina o le falepuipui fou i Tanumalala, e leai ma se faaletonu o le fausiaina o le falepuipui. “O le fausiaina o Tanumalala, e leai se mea o leaga ai le structure o le falepuipui, e leai se mea lava e tasi o leaga, o le aufaigaluega lea na mafua ai le solaaga muamua, ae o le solaaga lona lua foi, o le aufaigaluega lava foi i le faatamala i le tatalaina o le faitotoa, ina ua mae’a le roll call, ua savavali mai i fafo le staff ae u papatua i pagota, ma osofai ai loa e pagota auā la e ui i ai papatua.”
E toafitu leoleo sa iai i totonu i le faatinoga o le faitauga o pagota, ma o le omaiga i fafo, na maua ai loa ma le avanoa o pagota e osofai ai.
Na faaalia e Tialavea o lana matafaioi o le fausia o le falepuipui fou, o le faafoeina o le falepuipu i aso taitasi, o le matafaioi lena a le pulega o le falepuipui e fai, o ā ni mea e fai, ou te alu i ai e siaki ma vaai, “ae lē faapea ou te nofo ai o i le falepuipui ma ou tūtū ai lava i o ma vaai.”
“O le koleniina o le aufaigaluega ou te lē iloa o la e fai i vaiaso uma ae pagā lea e lē mafai ona tutusa uma mafaufau ma le faatinoga o le galuega.” E lē faapea na’o pagota o loo pagatia. O le faafitauli numera tasi o loo feagai ma le aufaigaluega, o le taufaifai i ai o pagota i le aufaigaluega i aso uma ma taimi uma. O faaupuga e lafo mai i le aufaigaluega, ma faamatalaga malolosi e la’u mai i le aufaigaluega e afaina ai lava le mafaufau o le isi tagata faigaluega. “O tala leaga uma e valaau mai ai pagota i le aufaigaluega, e taufaifai ma fai mai faamatalaga e afaina ai le mafaufau, e uiga i o latou aiga, ma e moomia ai lava le tagata faigaluega ua lava le onosai, na te onosaia faamatalaga o loo lafo mai e pagota i le aufaigaluega.”
Ia silafia foi e eseese taimi ma faafitauli e tutupu ai, ae pagā lea o le tausiaina o pagota, e matuā moomia ai le tagata e lava le onosai, malosi ma ia mafai ona ia vaaia pagota.” E lē talitonu le minisita o se fuafuaga na fafau mai i totonu lea na sosola ai pagota.
“I do not think o se inside job leaga o le sela lea e sosoo ma le admin ou te masalo e lei lokaina le faitotoa, o le auala lea na savavali atu ai pagota, ma agai loa ma faaleaga uma le potu, ma agai atu ai lava i le tower ma faaleaga uma.” Faaalia e le minisita, ua masani leoleo o le falepuipui, e faapea e leai a se mea e faaono tupu, ae lilo i manatu o pagota tagata e iai lava le taimi e faaono oso ai mea faapea, lea la na iu ina tupu. E iai nisi suiga i le pulega o le falepuipui, pe a mae’a le suesuega o loo galulue i ai le ofisa o leoleo.
[/et_pb_text][/et_pb_column][/et_pb_row][/et_pb_section]
