[et_pb_section fb_built=”1″ _builder_version=”4.4.2″][et_pb_row _builder_version=”4.4.2″][et_pb_column _builder_version=”4.4.2″ type=”4_4″][et_pb_text _builder_version=”4.4.2″ hover_enabled=”0″]
Kiu o tagata i le Centrelink i Sini
Tusia: Leilua Jerry Uesele – Sini
I le feagai ai o le lalolagi ma le Corona Virus ua faailoa mai e le Alii Palemia o Ausetalia ia Scott Morrison le faamautu atu o le tinoitupe e $66 Piliona Tala Ausetalia mo ona tagatānuu i lenei vaitau faigata.
Ua toe faailoa mai foi i Pisinisi laiti o le a maua le oo atu i le $100,000 tupe maua faapea le $750 faaopoopo i tagata ola penifiti mai le malo mai le $550 ua fuafua i ai e tailua vaiaso.
Ua tatala foi e le malo le talaina o Superannuation a tagata e ta’i $10,000 mai le 2019-2020 faapea le 2020-2021.
Palemia o Ausetalia Scott Morrison
Mo faalapotopotoga tuma’oti ma Pisinisi laiti i lalo ifo o le $50 miliona ana tupe maua e solofua lafoga ae maua le oo atu i le $100,000 faapea le ta’i $20,000 mo kamupani e agavaa.
O loo fuafua e le Malo e tusa ma le 690,000 pisinisi o loo faafaigaluegaina le 7.8 miliona tagata ma le isi 30,000 o galulue mo pisinisi tuma’oti o le a manuia i lenei fesoasoani a le Malo. Ua tatala nei foi nonogatupe a le faletupe Commonwealth i le $250,000 agai atu i le isi tolu tausaga o lumanai e aunoa ma ni aseta e faamau ai.
A ua toe faamalosia mai ai e le alii Palemia Scott Morrison tapu ua pasia e le Malo talu mai le Aso Sa, e taofia ai le feafioai vagana ai faatau moomia (essentials) vaaiga o fomai, aoga ma toleniga poo faamalositino taitoatasi.
Ua faamalosia le aua le sili atu i le toalua ni tagata potopoto i nofoaga faitele vagana ai se aiga, faapea le tapunia o malae taalo ma fale koleni (gym).
Faatonuina tagata matutua ua silia ma le 70 ma le 60 tausaga ia aua ne’i toe saga fesootai ma tagata lautele.
E ono masina e lē mafai ona tutulia ese ai ni tagata mautotogi mai fale o nonofo ai o loo faia foi feutagaiga mo pisinisi o nofo lisi i nofoaga o loo galulue mai ai.
[/et_pb_text][/et_pb_column][/et_pb_row][/et_pb_section]
