I le ala usu ai o le toatele i galuega amata o le faaiuga o le vaiaso na se‘i tuanai atu, o le taeao foi lea na matuā vaaia ai e lē gata i le susulu a‘e o le la i lea taeao ua atili matagofie ai le amataga o le Aso, ua tali ai foi i tatalo a “Mau a Pule ma Tumua” i le amataina o lea taamilosaga.
Sa molimauina i lea taeao le sagisagi fiafia o tamalii, e le gata i Autaaalo ae faapea foi le tapuaiga i le malae. Sa felanulanuai nofoaga o ‘au taitasi i faleie a o se vaaiga foi i tapenaga o laei ma togiga ua atili matagofie ai lea taeao.
O le susuga i le faafeagaiga, susuga Poni Fonoti sa tulai e faafeiloai i kalapu eseese i lea taeao ma saunoa foi e faagasolo polokalame o le Aso.
Na mua lava foi i le tapuaiga amata sa saunia e le Susuga i le Toeaina ia Leiite Setefano o le PIC Panmure, ma ia toe faamanatu ai i ‘Au taitasi, o le taaloga poo le faagatama o le Kilikiti o se meaalofa mai le Atua, ma e talafeagai foi ona tatou faia ma le mautinoa e maua ai se viiga o le Atua na foai maia.
Sa faatasi ai foi i le sauniga mo le amataina aloaia o lea taamilosaga, le Susuga i le Faafeagaiga ia Fuata‘i Simanu o loo tausia nei le Ekalesia EFKS i Satalo Falealili. Sa auai foi le Peresitene o le taamilosaga a le PIMKA faatasi ai na nisi o le au tusitala, le susuga ia Manuavai‘a Iese Vaoga, ma faauluuluga o nisi o kamupani lagolago i lea taamilosaga. O loo faaauauina nei lea taamilosaga i Ngati Otara Park i Otara i Aso Toonai uma mo le isi tolu vaiaso seia oo ina taualuga ai. Ina ua mae‘a le uluai aso o lea taamilosaga o se vaaiga la lenei i iuga o taaloga. Ma o le a tulimataina pea lenei taamilosaga mo le isi tolu vaiaso lea e faagasolo ai, ona o le tulaga maualuga o loo faafoeina ai lenei taamilosaga aemaise ai lava le matagofie o Au o loo tausinio i le Taamilosaga Kilikiti a “Mau a Pule ma Tumua”.
Iuga o Taaloga Kilikiti Mau a Pule ma Tumua
FAMILIA vs AO ATUA
manumalo le FAMILIA
TAMA O LE PAPA vs MALI‘OLI‘O
manumalo le MALI‘OLI‘O
PILIOUA vs LUPE O LE SOAGA (1)
manumalo le PILIOUA
AMOA I SASA‘E vs TAMA O LE MALAKA
manumalo le AMOA I SASA‘E
LUPE O LE SOAGA (2) vs AINIUSAMI
manumalo le AINIUSAMI
LAU LAAU MAI FARANI vs POVI PO‘A
manumalo le POVI PO‘A
AO ATUA vs MAATA
manumalo le AO ATUA
FAMILIA vs TAMA O LE PAPA
manumalo le FAMILIA
LUPE O LE SOAGA (1) vs AMOA I SASA‘E
manumalo le AMOA I SASA‘E
TAMA O LE MALAKA vs LUPE O LE SOAGA (2)
manumalo le TAMA O LE MALAKA
MALI‘OLI‘O vs PILIOUA
manumalo le MALI‘OLI‘O
AINIUSAMI vs LAU LAAU MAI FARANI
manumalo le AINIUSAMI
POVI PO‘A vs MAATA
manumalo le MAATA
AO ATUA vs PILIOUA
manumalo le AO ATUA
FAMILIA vs MALI‘OLI‘O
manumalo le FAMILIA
TAMA O LE PAPA vs LUPE O LE SOAGA (1)
manumalo le LUPE O LE SOAGA (1)
TAMA O LE MALAKA vs AINIUSAMI
manumalo le MALAKA
LAU LAAU MAI FARANI vs MAATA
manumalo le MAATA
AMOA I SASA‘E vs LUPE O LE SOAGA (2)
manumalo le AMOA I SASA‘E
FAMILIA vs POVI PO‘A
manumalo le FAMILIA
MALI‘OLI‘O vs LUPE O LE SOAGA (1)
manumalo le MALI‘OLI‘O
TAMA O LE PAPA vs TAMA O LE MALAKA
manumalo le TAMA O LE MALAKA
AO ATUA vs AMOA I SASA‘E
manumalo le AO ATUA
PILIOUA vs LUPE O LE SOAGA (2)
manumalo le PILIOUA
TAMA O LE PAPA vs MAATA
manumalo le MAATA
FAMILIA vs LUPE O LE SOAGA (1)
manumalo le FAMILIA
AO ATUA vs LAU LAAU MAI FARANI
manumalo le LAU LAAU MAI FARANI
AINIUSAMI vs POVI PO‘A
manumalo le POVI PO‘A
PILIOUA vs TAMA O LE MALAKA
manumalo le TAMA O LE MALAKA
MALI‘OLI‘O vs LUPE O LE SOAGA (2)
manumalo le MALI‘OLI‘O
