Na aofia potopoto nai ona aiga, o ana uo ma aumeamamae, o lana Ekalesia pele aemaise o le valaaulia i le afiafi o le Aso Faraile na tea nei aso 30 o Novema, e patipatia ma molimauina le aulia o le luasefulutasi 21 o tausaga o le soifua o le tamaitai ia Nuulua Itea Opelagi Mataafa.
Na faataunuuina lona aso faapitoa i le malumalu o le Ekalesia o le aupaia o aso e gata ai i le pitonuu o Glenroy i Melepone, o Nuulua o le alo e faasino ia Fiu Opelagi Mataafa, ma le tausi ia Reta Mataafa.
Na taitai e le afioga ia Bishop Larry Nonu le sauniga e faamanuia ai lona aso soifua, faatasi ai ma le lagolagosua a isi epikopo o le Ekalesia, aemaise le peresitene o le stake a Deer Park le susuga ia Kalolo Manu‘a, ae na matagofie nauā lona aso ona o le tapuaiga mau a si ona tuaa sinasina ia Leaauta Iosua Fiu.
Na mae‘a le sauniga paia, ona alo lea i le taumafataga tele ma le felanulanuai, ma faasolo ai ma faafiafiaga matagofie auā le tamaitai fai aso fanau.
O moomooga alofa o nai ou mātua pele ina ia saga faamanuia le Atua o manuia mo oe si a ma pele Nuulua, alofaaga mai si ou Nana, o ou aiga uma, aemaise o lau Ekalesia. Happy Birthday Nuulua.
We love you always, from Mum, Dad, and all your cousins and family in Melbourne.
