Ua oo foi le vaitau o faauuga a iunivesite, e pei ona iai le faauuga a le Iunivesite a Griffith i le afiafi o le Aso Faraile, aso muamua o Aukuso o lenei tausaga 2014. E lē o maua uma mai suafa o alo Samoa sa faauu mai ai, se‘i vaganā le susuga ia Maunu Sinaumea Taufao sa tauaao ai lona faaailoga o le Bachelor of Business double majoring in Marketing & Sports Management.
ros
O mātua o Maunu Sinaumea o le susuga i le faafeagaiga ia Rev Risati Taufao mai Faleasiu, Salamumu ma Saleaula, faapea le faletua ia Faitauga Taufao mai Magiagi ma Tiavea.
Momoli atu alofaaga ma faamanuiaga Maunu Sinaumea Taufao. Malo le tauivi malo foi le finau viia pea le Atua. Alofaaga o ou mātua, uso ma le aiga atoa i Samoa, Niu Sila ma Ausetalia aemaise alofaaga auina atu i lau ekalesia Uesiliana Metotisi a Inala.