O le Aso Toonai aso 16 o Novema na amataina ai le taamilosaga a atumotu e 6 o le Pasefika lea o loo iai le au a tamaitai ma alii Samoa ua igoa i le Kuiniselani Samoa. O le uluai taaloga na taaalo ai Samoa ma Rarotonga lea na manumalo ai Samoa e 27 ae 0 Rarotonga.
E pei ona auina atu i le lomiga ua tuanai, e 3 vaiaso o loo faagasolo ai lea taamilosaga ma na ta‘ua e le Peresetene ia Faalafi Pa Enari, e lē faatusalia le faatumulia i le mamalu o Samoa aemaise o isi atumotu o loo auaumea faatasi ma Samoa i lea foi taamilosaga.
O le a toe auina atu se isi ripoti i le vaiaso mulimuli pe o ai foi o le a avea ma siamupini, pe lē ono sola ma le ‘au a le Manu le mea atoa, ae talosia ia i le agalelei mai o le Matai i le lagi ia iu manuia fuafuaga uma.
