O le afioga ia Patele Paulo Filoialii Faaee na afio mai i Kalaiesetete i lana faigamalologa ma nisi o faamoemoega o si o latou aiga, ae maua se avanoa faaauro e faasoa mai ai lana ato ponapona o afioga Paia a le Atua, lea sa tuufaatasi ai ma faafofoga le Ekalesia Katoliko aemaise Divine Vermicelli.
O se faamanuiaga mo le tele o Divine Mercies a Kuiniselani ina ua faafofoga i lana upu folafola na potopoto ai i le Devine Mercy a Darra. O le Aso Toonai na faia ai le seminar mo nisi foi o fia manino atili i le Devine Mercy ma nisi lava fesili ae na taliina manino e le afioga ia Patele Paulo Faaee. O le Tama faaleagaga o le afioga ia Patele Epati Tamati o ia foi le taitai o le Puleaga Katoliko a Kuiniselani. Sa auai Divine Mercies a Inala, Goodna, Caboolture, Jinderly ma Dara e lei auai Woodridge ona o latou tuatuagia. O le Aso Sa na osia ai le sauniga paia o le Misasa ma faamamae‘aina ai i le taumafataga ma ta‘ape ai le fuamanusina ae faafoi pea le viiga o le Atua.
