O le faamoemoe lava lea o se tama ma se teine talavou pe afai ua malie ma mafanafana le mafutaga faaleuo, aemaise lava pe afai ua fusia i le moni ma le faamaoni o le alofa o le tasi i le isi ma manatu loa ua tatau ona faamauina ma fusia atili lea alofa i le faaipoipoga.
O le mafutaga matagofie na faamauina ma molimauina ai le tuufaatasia o le alii o Fogasavaii Pagaialii ma lana manamea lalelei tele le tamaitai o Glory Tuatai Fouvaa i le faaipoipoga, na taitaia ma faapaiaina ai lo laua aiga fou e le susuga i le faifeau, Susuga Pastor Tuala Toilolo.
O faamanuiaga mo oulua i lo oulua aiga fou ua amataina, ia fusia pea oulua i le alofa ma le faamaoni o le Atua. Ia manatua le Atua e fai ma taiala o lo oulua aiga ma ia tumau pea oulua i le fealofani. O alofaaga mo oulua mai le Ekalesia AOG Papatoetoe Central, o nai o oulua aiga uma ae faasilisili alofaaga mai o oulua mātua peleina.
