Sa faatumulia le hall a le Ekalesia Pacific Islands Assembly of God i Manurewa i le Aso Toonai, aso 1 Mati 2014 i le faamanatuina o le aso soifua o le tamaitai o Jennifer Pereira. Sa amata i le sauniga lotu sa taitaiina e le faafeagaiga ia Esau Leituala ona sosoo ai lea ma le foaiina o le ki o le 21 tausaga o le tamaitai, ona sosoo ai lea ma le taumafataga sa tapena e aiganalua.
Na mae‘a ona alo foi lea o aiganalua auā faaaloaloga i faafeagaiga aemaise le paia o le Ekalesia. O le fofoga o le aso o le susuga i le aoao ia Tavita Peo ae o le tautalaga ia Faiumu Sili sa fai ma sui o le Ekalesia aemaise o Samoa sa auai e faafetaia le maau o le aiga. O le tamaitai ia Jennifer e mai afioaga o Moataa ma Fagalii. Ia manuia tele lou 21 tausaga. Alofaaga mai lau Ekalesia.
