O le afio mai o le purinisese o Toga o loo alala i Canberra ma tali malo ai le aoga a Glenala State High School, na faapea foi ona asia ai ma nisi o aoga tuaoi, ma o se fiafiaga foi lea i nai o latou tagata aemaise o alo ma fanau.
O se tasi lenei o aoga e ese le toatele o alo o Samoa o aoaoina ai lea foi na dux ai se alo o Samoa i le tausaga ua tuanai lea ua i le Iunivesete o le USQ.
O se tasi foi lenei o aoga faaitumalo o loo ua o latou faailogaina se vaega o le lotoā ua iai se togalaau ma se maa faamanatu e manatua ai alo o le tofa ia Faalafi Ieremia Lale lea na logologoa ona tala na maliliu i le afi ma si o latou tina le tamaitai Toga o Neti Lale i le 2011.
O lana afioga Royal Highness Princess Latufuipeka Angaaggelika Mata‘aho Tuku‘aho, o le alo ulumatua lea ole Tupu Toga Tupou VI ma le Queen Nanasipau‘u Tuku‘aho.
Ole masina o Aukuso 2012 sa filifilia ai o ia e avea ma Hai komesina o Toga i Ausetalia ae o loo alala i le laumua i Canberra i le taimi nei.
Sa taulamua i le malaga mai o le purinisese nisi alo o Samoa, le tamaitai o Glenda Stanley (liaison officer o le Iunivesete o Grifith), faapea le susuga ia Tago’iaega Bruce Manu Sione, (Glenala State High School liaison officer).
Na mae‘a ona faaiu lea i le Iuniveste a Grifith i le Aso Tofi 21 o Mati ona faaauau
ai lea o le asiasiaga ma toe taliu atu
ai i Canberra.
