Uluai faauuga “Auckland Pacific Bible College”

Ua lua nei tausaga talu ona faatūina le aoga a le Auckland Pacific Bible College mo le taimi muamua i Aukilani, ae o lona faauluuluga o loo iai i le Laumua i Ueligitone. O le Aso Toonai la talu ai, aso 10 Aukuso, sa faataunuuina ai le uluai faauuga a lenei aoga faale-Tusi Paia.
O le susuga ia Pastor Mika Lagavale o ia o le Peresitene o le Emanuelu o ia foi o le CEO ma le Faiaoga, o le Kolisi ma le susuga i le pule aoga ia Tala Burges.
E silia ma le 20 i latou sa faauuina ai i lea faamoemoe ina ua mae‘a le lua tausaga sa aoaoina ai i le Afioga a le Atua i le gagana Samoa.
O le susuga ia Malagamalii Fosi Tolovae sa fai ma sui o le vasega faauu e faia sina molimau o le vasega faauu ae o le susuga ia Tupuola Peter Faafoi sa ia mauaina le tulaga maualuga i sailiiliga.
O loo faataunuuina lenei aoga i le 31-33 Seddan Avenue i Papatoetoe i po o Aso Lua ma Aso Tofi mai le 7-9pm.