Si‘avii Joy & Thelma Togia ma Lisa Iloilo
Ua matauina pea i lenei vaitau le naunau o alo tamaitai o Samoa e latou te fia laeiina le malu a le atunuu. Ua toetoe lē ‘asa se masina poo ni vaiaso foi, ma samaina ni tatau e lē gata o alii, ae o tamaitai foi ia latou malu.
O le Aso Lulu foi la talu ai, aso 7 o Aukuso, na samaina ai malu a alo tamaitai o le afioga ia Toleafoa Togia. O tamaitai o Thelma ma Si‘avii Joy Togia mai Mulivai Safata, Falelima ma Mulifanua, faapea le tamaitai o Lisa Iloilo mai Lotofaga, Vaigaga ma Nofoalii.
O le tamā foi o le Puleaga Katoliko sa amataina i se sauniga faafetai ua iu manuia le galuega, le afioga ia Patele Epati Tamati ona alo foi lea i vaega masani.
O nisi nei o tamaitai na faailoa mai e si o latou tuaa ia Toleafoa Togia, le suiga ma lagona fiafia ia i latou ina ua mafai ona latou laeiina malu e pei ona mitamita ai foi le tele o tamaitai Samoa.
E lē gata i lea, o le faafiafiaina o i latou e opogi meafai a aiga, ekalesia ma meafai a atunuu e faaosofia ai lo latou faagaeetia i lea foi tulaga ua laasia.
