Ua lē o toe po malaē i le silafia o le atunuu i se mataupu e faasino i le tatou gagana i totonu o Tapuaiga e pei ona finauina ai e le faamasinoga. O lea ua sapi ma tapuai saoloto ai o tatou lava tagata i lau gagana.
Peitai, o le taualuga o mea uma o le pili ina ia faauma. O le ala lea o le galulue ma limalima faatasi i latou sa taumafaia lenei finauga ina ia faia se sailiga seleni auā le faamae‘aina o le faamoemoe. Ma sa faatino i se posiva e pule le aiga i le foai faatasi ai ma uo ma ē masani, lea sa faia i le Aso Toonai ua tuanai.
Sa o latou tauaaoina $14,500 ma ona tupu e ala i le foai o tauaiga, uo, aemaise le paia o le Aiga Samoa i Logan. O nisi o tamā ma tina matutua ma le Aiga Samoa o i latou nei sa taulamua ma o i latou foi nei na finauina lenei mataupu i le faamasinoga.
O le peresetene ia Mataafa Kaleta Hakula, failautusi Lemalu Timu Fenunuti, teuoloa o Laulu Pelepesite Ah See.
Sa tatala aloaia le faamoemoe i le Tatalo na saunia e le Peresetene ia Mataafa ona faagasolo ai lea o le faamoemoe. O fofoga o le aso o Lokeni Utai ma Gaseata Popole. Mae‘a le faamoemoe faaiu i le taumafataga tele na saunia e le Aiga Samoa ma saunoa le taitai e faafetaia le paia ma le mamalu sa auai ma faaiu ai afiafi, foi pea le viiga o le Atua ona o nei seleni e tele ua ia foai e fesoasoani ai i le pili o loo totoe.
