E matagofie tele foafoaga a le Silisiliese, ua Ia faasinoina mai ia Reupena ma Eseta Kovati, e totō se ituaiga tamato fou ua faaigoaina o le OX-HEART, i le la faatoaga KOVATI – TAM YAM GARDENS i Glenbrook, Waiuku i lenei tausaga 2014.
E u‘au‘a lona aano, leai se sua ma e manaia tele i le taumafa pe a fai ai sanuisi, burger, toast, roast, salaki faapea pe a faamago (drying/dehydrated). O i latou e lē fiafia e taumafa tamato ona o le ACID, o le ituaiga tonu lea e talafeagai mo i latou e gasegase i le suka, toto maualuga, gugu ae sili le aogā mo lou fatu ma musele o le tino auā e lē tele se Acid e maua ai.
Ua iai Tusipasi a lenei faatoaga e tusa ma tulafono mo le tausiga o tamato ma soo se fualaau‘aina mai iniseti, e puipuia mai vaega uma e ono aafia ai le mamalu o le atunuu i tulaga e pei ona iai vailaau oona auā le soifua maloloina ma le saogalemu i le taumafa (Food Safety).
O se fautuaga, e lē tatau ona teu tamato i totonu o pusa aisa ona e sola ese ai lona lelei ma e vave ai foi ona pala. Tuu na o tamato i se ipu mafolafola tele i se itu o le umukuka e mālū (room temperature). E lelei le faamasani o fanau laiti e faataitai ona ‘ai tamato.
Ia Manuia le Kirisimasi ma le Tausaga Fou!
