Toalua alo o Samoa manumalo avanoa sikolasipi

O le alii o Xavier Muao Breed mai le Rutherford College ua ia maua le faailoga Top Scholar for Dance ma le tamaitai o Sabrina Wright o Mangere College na maua le faailoga o le Top Scholar for Samoan Language. O nei alo e toalua o Samoa ua faamanuiaina i nei faailoga sikolasipi a Niu Sila e pei ona iai suega sa sue ai tamaiti aoga mai aoga maualuluga uma i Niu Sila mo nisi o avanoa faasikolasipi e faaauau ai a latou aoaoga i nei tomai eseese (2013 New Zealand Scholarship).
E to‘a 35 fanau aoga sa maua faailoga eseese nei faasikolasipi mo Niu Sila atoa, ae ua faamanuiaina ai nei alo e toalua o Samoa i tomai e pei ona ta‘ua i luga. O se tasi o tala fiafia mo le Kolisi o Mangere, ona o le faalua ai lea ona manumalo se tamaitiiti mai lenei kolisi, i lenei lava faailoga maualuga mo le gagana Samoa (Top Scholar for Samoan award).