Otahuhu Family Fun Day & Neighbours Day Aotearoa
E iai le faamoemoe, o le Aso mo Aiga i lenei tausaga, o le a sili atu ona telē nai lo le tulaga sa iai i isi taimi muamua atu.
O le Aso Toonai nei, aso 23 o Mati, o le a faatulaga ai lenei Aso e fiafia ai Aiga a le pitonuu o Otahuhu, le Otahuhu Family Fun Day. E amata mai lava le polokalame i le taeao i le itula e 10am e oo i le 2pm i le aoauli, i le Fairburn Reserve, Mason Ave i Otahuhu.
O le a tele ni faafiafiaga ua fuafua e fai ai, ma tele foi mea mananaia o le a maua e faafiafia ai le fanau ma le aiga atoa, ae leai se tupe e totogia mo nei mea uma.
Tele meaai o le a maua fua e le fanau, e pei o popcorn ma candy floss, sausage sizzles, o le teuteuina o cup-cake. E vali foi foliga, ma bouncy castles ma le 20m inflatable obstacle course e taalo ai, ma le tele o isi mea o le a fai ai foi.
O ni polokalame e a‘oa‘o ma faamasani ai tagata uma o le aiga i nisi o gaioiga aogā mo lo latou saogalemu ae o le a sili ona maua ai le fiafia a o faatino nei polokalame.
Mo i latou i le faaitu i Flatbush/Otara, o le a faatulaga foi le aso faapena, le Neighbours Day Aotearoa, i le Aso Toonai lava lea, aso 23 Mati mai foi le 10 i le taeao e oo i le 2 i le aoauli, ma o le a faia ai foi ni faafiafiaga i le vaipanoa taalaelae i le tulimanu Michael Jones Drive & Ormiston Road Flat Bush. Tele foi faafiafiaga o le a faia ai, ma soo se mea e fiafia ai le fanau ma le aiga atoa. E maua atili nisi faamatalaga mai le susuga ia Joseph Liavaa i le 274 7823.
O se avanoa lelei lea mo le aiga atoa e tafafao faatasi ai, ma faamatamata nai fanau i le tele o mea e mafai foi ona latou pue mai ai nisi lesona aogā i le olaga.
