O le manatu maualalo o lana auauna le susuga ia Pr Faamalologa Fuesaina, e faaaogā le taleni mai le Atua e ala i musika aemaise o siufofoga e lagiina ai viiga o le Atua. Ua mae‘a ona faafofoga nisi i le CD muamua ma le lua ae o le vaiaso lenei ua sau ai i tua le CD lona 3 a le susuga i le faafeagaiga ma le nofoaalo.
E maeu le matagofie o siufofoga o le aufaipese ma le logomalie o fati aemaise viiga o le Atua, e uigaese foi le taleni ua tuuina e le Atua i le faafeagaiga auā e lē gata o se fatu pese ae o loo avea foi o se faifeau ile Ekalesia Aso Fitu Samoa Tutoastasi i le ekalesia a Ipswich.
O se tasi lenei o itu pito sili ona tāua, o le faaaogā o taleni eseese mai le Atua e toe viia ai o Ia a o maua le avanoa.
O le susuga ia Pr Faamalologa e mai Lefagaoalii Safune ae ole faletua ia Tamara Fuesaina e mai Safotu i Savaii.
Sa tusia lava ma faanota e le faifeau pese uma o le CD ae o loo latou lagiina ma le nofoaalo, Maxine, Jessie & Pamata.
O le falepuepese o le Lavina Records sa pueina ai le CD, le afioga ia Lupematasila Levae mai Falelatai.
