O se tasi o tamalii o le atunuu o loo galue nei mo le National Training & Development le susuga ia Lupematasila Ian Saipele na faailoa mai, o le tausaga fou 2015 e amata talia ai mo faailoga tipiloma alo ma fanau a Samoa ma nisi o loo umia tusifolau Niu Sila.
O se faamanuiaga lenei ua loa ona moemiti ai nisi talu mai le taimi na taunuu mai ai i Niu Sila. Saunoa Lupematasila e aogā tele mo fanau ua uma le vasega sefululua ma ua lē mautonu le isi laasaga o le olaga.
E le gata i lea o nisi ua moomia le faaopoopo o taleni ma ni agavaa o loo iai (upskill) .O se avanoa foi mo tina ma tamā matutua e saili ai ni tomai fou poo further studies.
O le auaunaga a le National Training and Development mo sitiseni Ausetalia lava ia e maua le $92,000 e nono mai e le NTD mo le faataunuuina o le faamoemoe agai atu i le lumanai.
O nisi o tipiloma e 25 o loo aoaoina e aofia ai le Digital Media, Management, Salon Management, Business, Marketing ma nisi. O loo mafai ona faafesootai mo nisi faamatalaga Lupematasila Ian i le numera 0421704731.
